محافظة قنا إحدى محافظات إقليم جنوب الصعيد يحدها شمالاً محافظة سوهاج وجنوباً محافظة اسوان وشرقاً محافظة البحر الأحمر وغرباً محافظة الوادى الجديد وتبلغ المساحة الكلية للمحافظة 10265.5 كيلو متر مربع ( كم2 ) والمساحة المأهولة 1609.65 كم2 كما يبلغ عدد سكان المحافظة طبقاً للنتائج الأولية لتعداد 96 ( 2441.42 نسمة ) كذلك يبلغ معدل الزيادة السكانية للمحافظه 2.59% ؛ وتبلغ الكثافة السكانية بها 1517فرد لكل كيلو متر مربع وتتكون المحافظة من ( 11 ) مركز ادارى ، ( 11 ) مدينة ، ( 51 ) وحدة محلية قروية ( 135 ) قرية ، ( 1639 )كفر ونجع .. ويتوفر بالمحافظة كافة المقومات الأساسية والضرورية اللازمة للتنمية الشاملة والمتواصلة من ثروات تعدينية وأراضى زراعية وقابلة للإستصلاح والأستزراع والعديد من الأماكن الأثرية والسياحية إلى جانب توفر القوى العاملة في مختلف التخصصات .. تضم المحافظة عدد 7 كليات ، 6 معاهد ، يدرس بها اكثر من 19 ألف طالب وطالبة إلى جانب 5 مراكز للتدريب المهني ؛ وفى مراحل التعليم قبل الجامعي يبلغ عدد التلاميذ بالمحافظة 573.22 تلميذ و تلميذة بالتعليم العام، 68.884 تلميذ وتلميذة بالتعليم الأزهرى .. وتعتبر محافظة قنا من المحافظات الزراعية الصناعية ففي الزراعة تعتبر أولى المحافظات في إنتاج قصب السكر ومن أكثر المحافظات إنتاجا للطماطم والموز والسمسم والكركديه ؛ وفى مجال الصناعة يتوافر بها أربعة مصانع للسكر بالإضافة إلى أكبر مجمع لصناعة الألومونيوم في الشرق الأوسط وكذا مصنع الغزل والنسيج بقنا .. تسعى المحافظة دائماً إلى الارتقاء بمستوى معيشة المواطنين من خلال الخطط الطموحة للتنمية الشاملة [size=25]في مجال التنمية الصناعية أقامت المحافظة عدد ( 2 ) منطقة صناعية في كل من قفط ونجع حمادى تبلغ مساحة كل واحدة ( 500 فدان ) وتم تزويدهما بالخدمات الأساسية من مياه شرب والكهرباء والطرق الصرف الصحي وتم طرحها على المستثمرين إلى جانب التخطيط لإقامة مصانع عملاقة للأسمنت وورق الصحف والأعلاف والعطور والصلصلة تعتمد على ما هو متوفر من خامات وموارد كافية لهذه الصناعات كذا إقامة منطقة للصناعات الصغيرة تستوعب حوالي 300 وحدة للصناعات الصغيرة الخاصة بشباب الخريجين فى مجال التنمية الزراعية يتوافر بالمحافظة أكثر من (115 ألف فدان ) قابلة للإستصلاح لقد قدمت محافظة قنا العديد من أبنائها المخلصين الذين شاركوا في إثراء مختلف المجالات في مصر نذكر منهم على سبيل المثال من الوزراء السابقين المرحوم مكرم عبيد وزير المالية السابق في حكومة الوفد الأستاذ الدكتور ماهر مهران أول وزير للسكان في مصر الأستاذ أنور أبو سحلي وزير العدل السابق الإعلامى الكبير الأستاذ فهمي عمر ومن الشعراء والأدباء الأساتذة عبد الرحمن الأبنودى -أمل دنقل - الطاهر مكي - عبد الرحيم منصور الفيلسوف والمفكر الإسلامي الكبير الأستاذ الدكتور رشدي فكار وغيرهم كثيرون في مختلف المجالات والتخصصات السياحة في قنا محافظة قنا الصعيدية تستعد لإيجاد موطئ قدم لها على خارطة السياحة المصرية بعد التطور الحضاري والعمراني الذي شهدته مؤخراً . شهدت هذه البقعة من أرض الصعيد في السنوات الماضية تطوراً عمرانياً وحضارياً كبيراً حتى صار البعض يطلقون عليها اسم " باريس الصعيد " . إنها مدينة قنا التي فازت مؤخراً بجائزة للشيخ محمد بن راشد آل مكتوم للتجربة الإدارية العربية الرائدة تقديراً لما شهدته المحافظة من مشروعات تنمية وتطوير وتجميل جعلها أجمل مدينة مصرية حتى صار البعض يطلق عليها " باريس الصعيد " . تخضع محافظة قنا في صعيد مصر لمشروع متكامل يهدف لوضعها على الخريطة السياحية للبلاد كأحد مراكز السياحة الثقافية في العالم لما تحويه بين جنباتها من معالم ومدن تاريخية ترجع إلى آلاف السنين . وقال محافظ قنا اللواء عادل لبيب إن المشروع يتضمن إقامة متحف تاريخي على مساحة 10 آلاف متر مربع لعرض القطع الأثرية التي عثر عليها بمدن المحافظة وإقامة منتجع سياحي على مساحة ألف فدان بجانب تطوير منطقة دندرة الأثرية سياحياً واستثمارياً عبر إقامة منطقة للخدمات ومهبط للطائرات بها . وسيوضع برنامج لاستغلال الأماكن السياحية في المحافظة مثل معبدي دندرة وأسنا الفرعونيين ومسجد عبدالرحمن القنائي في قنا والمسجد العمري في قوص ويدر القديس مارجريس في ارمنت لإقامة مشروع سياحي تشكل منطقة جذب سياحي تدخل قنا في منظومة مزارات ومدن مصر السياحية . ويذكر إن قنا واحدة من أكثر محافظات الصعيد المصري شهره وغنى بالمناطق الأثرية والمدن التاريخية الضاربة في أعماق التاريخ ويأتي السياح لزيارة قنا عبر مطار الأقصر الدولي ومن خلال الرحلات النيلية للبواخر السياحية والفنادق العائمة . اشتق اسم قنا من الكلمة العربية " قني " والتي تعني " المحتضنة " أي التي تحتضن نهر النيل حيث تقع قنا عند " ثنية النيل " التي تبدو كذراعين يحتضنان ما بداخلهما . وشهدت محافظة قنا استيطان إنسان ما قبل التاريخ فوق أرضها فمنذ بداية التاريخ المصري وعبر عصور الدولة القديمة والدولتين الوسطى والحديثة والعصور المتأخرة ومواقع النشاط البشري في قنا تعج بالحياة والحيوية والنشاط . وتمتلئ أرض قنا بالكنوز والمزارات الأثرية التي خلفها قدماء المصريين عبر تاريخهم الطويل ومن اكبر وأروع تلك المزارات منطقة دندرة والتي تقع على الضفة الغربية لنهر النيل وعلى بعد 5 كيلو شمال غرب مدينة قنا . عرف دندرة في النصوص المصرية باسم تانترت أي " الالهه " إشارة إلى الالهه حاتحور ثم أصبحت في اليونانية تنتريس وجاء العرب فأطلقوا عليها اسم دندرة . وكانت فيما مضى عاصمة للإقليم السادس من أقاليم مصر العليا ، وبها معبد ذائع الصيت هو معبد دندرة الذي ترجع الأصول الأولى لبنائه إلى عهد الأسرة الرابعة حيث شيد الملك خوفو معبدا في هذا المكان . ويضم مبعد دندرة سوراً تاريخياً ومعبدين للولادة الإلهية ومنشأة أثرية تحولت إلى كنيسة ومصحة للاستشفاء ، ويعد معبد دندرة أية من فخامة العمارة ونموذجاً فريداً لفنون مصر القديمة وكتاباً شاملاً للفكر الديني في مصر القديمة ، بجانب كونه أكثر المعابد المصرية حفظاً ، وتحوي جدران المعبد مئات المناظر والمشاهد والنصوص القديمة . وتذكر كتب التاريخ انه كان بدندرة برج عظيم به مئة وثمانون كوة تدخل الشمس في كل يوم كوة حتى تأتي على آخرها ثم تكر راجعة إلى حيث بدأت وكان بها شجرة تعرف بشجرة العباس متوسطة الحجم وأوراقها خضراء إذا قال الإنسان عندها يا شجرة العباس جاءك الفأس تجتمع أوراقها وتحزن لوقتها ثم تعود كما كانت . ويقال ان دندرة بناها قفطريم بن مصرايم بن بيصر بن حام بن نوح عليه السلام وكانت إحدى مدن الصعيد الأعلى القديمة في مصر . وإلى الشمال من دندرة تقع منطقة " هو " إحدى مستوطنات عصر ما قبل الأسرات في مصر القديمة ، وعثر فيها على جبانات وأطلال ومنازل من عصر ما قبل الأسرات وحوت الجبنات والمنازل بعض أدوات الحياة اليومية وأدوات كانت تصاحب الأموات في مقابرهم وقد عاش اليونانيون والرومان في " هو " فترة من الزمان وأطلقوا عليها اسم " ديوسبوليس بارفا ". وعثر في " هو " على أطلال معبد بطلمي روماني ، وكانت " هو " من المدن المعروفة في صعيد مصر إبان الفتح الإسلامي وما بعدها وبالقرب من هو تقع قرية " الصياد " التي عثر في صحرائها على مقابر منقورة في الصخر ينتمي بعضها لبعض حكام الأقاليم السابع من أقاليم ضعت هذا الموضوع لكى يستفاد الجميع من هذا الموضوع ومعرفت حقوقه ووجباته بعض النقاط مقتبسه من ( كتاب عشان ماتضربش على قفاك )الممنوع من النشر إيه الحالات اللي ممكن الظباط يدخلوا فيها البيوت من غير إذن تفتيش من النيابة؟ ج: من حق الشرطة يدخلوا البيوت لو حد من أصحاب البيت طلب منهم المساعدة أو النجدة من داخل البيت. س: زي إيه الحالات دي؟ ج: مثلا لو كان فيه حريق أو تسرب غاز أو بوتاجاز من بيت أو شق س: من حق ظباط المطافي أو المرور يعملوا قضايا للناس؟ ج: أيـوه من حقهـم لو لقـوا حاجـة صدفـة وهم بيقوموا بشغلهم «مخـدرات، سـلاح مثـلا» يمسكوها ويعملوا بيها محضر تلبس ويسلموه لأقرب قسم شرطة. س: وإيه حالات الضرورة الأخري؟ ج: يجوز للشرطة اللي ليهم سلطة الضبطية دخول البيوت لو كانوا بيتعقبوا شخص له أمر ضبط وإحضار من النيابة أو المحكمة ومطلوب القبض عليه. إمتي تطلع الإجراء باطل وتتهم الظابط في قضية تزوير محضر وتلفيق اتهام؟ للبيـوت حُـرمات، ولا يجوز لأي حد إنه يدخل بيت أو يفتشه إلا بأمر من النيابة العامة أو من المحكمة المختصة، ويكون أمر التفتيش مسبب، وأي حد يدخل بيت أو يفتشه بدون أمر قضائي يبقي ارتكب جريمة انتهاك حرمة مسكن. س: أعمل إيه لو كنت في بيتي ولقيت حد من الشرطة خبط علي الباب وعاوز يفتش بيتي؟ ج: لازم تتمالك نفسك ومتخفش وتتحقق الأول من شخصيته وتشوف كارنيهه وتعرف هو مين وبيشتغل إيه وفين وتطلب منه يوريك أمر التفتيش الأول قبل ما تدّخله بيتك عشان يفتشه. س: إيه هو البيت؟ ج: للبيوت حرمة، والبيت هو كل مكان خاص بيقيم فيه الإنسان فترة من الزمن طويلة كانت أو قصيرة بصفة دايمة أو مؤقتة، وأي حاجة تتبع البيت وملحقة بيه تعتبر بيت وليها نفس حرمة البيت، ولو كان ملحق بالبيت حديقة أو مخزن س: هل شقة المصيف اللي بيقيم فيها الشخص فترة بسيطة من الوقت كل سنة تعتبر بيت ولها نفس حرمة البيوت؟ ج: شقة المصيف تعتبر بيت ولها نفس حرمة البيت. س: إيه هي الحالات اللي ممكن يفتشوا فيها شقتي أو بيتي؟ ج: لازم يكون معاهم إذن تفتيش مسبب من النيابة العامة أو المحكمة المختصة، ويكون اللي بيقوم بتنفيذ إذن ال س: أعمل إيه لو حد حاول يفتش بيتي بالعافية من غير أمر بالتفتيش؟ ج: تزعق وتلم عليه الجيران والناس اللي ماشيه في الشارع تشهّدهم عليه بأنه انتهك حرمة بيتك وارتكب جريمة انتهاك حرمة مسكنك وتعمله محضر علطول وتطلب النجدة علي122عشان تثبت حالة. س: أعمل إيه لو حد طلب مني إنه يفتش بيتي ومكنش معاه إذن بالتفتيش من النيابة وأحرجني؟ ج: لازم ترفض لأنك لو وافقت علي إنه يفتشك يبقي سقط حقك في الرفض وتبقي إديته الحق في تفتيشك برضاك، ولو فيه حاجة عندك ممنوعة «سلاح مش مترخص» مثلا تبقي حالة تلبس ومن حقه يقبض عليك ويبقي التفتيش سليم مادام وافقت عليه بمزاجك بدون إكراه أو ضرب أو تهديد. س: لو كان الظابط معاه إذن تفتيش ومفتحتش له، من حقه يكسر الباب؟ ج: الظابط لو معاه إذن بالتفتيش من حقه يكسر الباب ويفتش حتي أوضة النوم. س: بنسمع إن الظباط بيفتشوا وبعدين يطلّعوا اذن التفتيش، نعمل إيه في الحالة دي؟ ج: تبعت علطول تلغرافات إن التفتيش تم في المكان الفلاني في الوقت الفلاني وياريت محدش يعرف الظباط إن حد بعت تلغرافات لأن في الحالة س: وهو ينفع يكون إذن التفتيش من النيابة شفوي أو في التليفون؟ ج: لازم يكون مكتوب ولازم يكون مكتوب فيه اسم وكيل النيابة اللي طلعه واسم المتهم أو المتهمين المطلوب تفتيشهم والسبب وتاريخ صدور الأمر، لكن فيه حالات نادرة جدا ممكن يكون الإذن شفوي. س: وهو ممكن يصدر الأمر بالتفتيش لشخص والناس الموجودين معاه وقت التفتيش؟ ج: أيوه ممكن. س: وهو ينفع التفتيش بالليل؟ ج: التفتيش ينفع في أي وقت بالليل أو بالنهار وحتي في أيام العيد والعطلات الرسمية. س: ولو حد كان مستخبي في بيته وليه أمر ضبط وإحضار يقدروا يدخلوا البيت ويفتشوه بالقوة؟ ج: من حقهـم يدخلـوا البيـت ويفتشـوا علي المتهم لتنفيذ الضبط والإحضار عليه. س: لو فيه أمر بالتفتيش لبيت من حقهم يفتشوا الناس اللي في البيت؟ ج: مش من حقهم يفتشوا كل الموجودين في البيت لكن من حقهم يأمروهم بعدم التحرك، لكن إذا قامت وقت تفتيش بيت المتهم دلائل قوية ضد شخص موجود في بيت المتهم اللي بيتفتش إنه مخبي معاه حاجه أو شيء يفيد في كشف الحقيقة يقدر وقتها اللي بيفتش إنه يفتشه.«7» س: لو أنا مش في البيت أو في المكتب أو المحل يقدروا يفتشوه وأنا مش موجود؟ ج: المفروض يفتشوه في حضور حد من أهل بيتك أو من اللي شغالين عندك أو في حضور2 شهود من قرايبك أو جيرانك ويثبتوا ده في محضر، وممكن يفتشوه في غير وجودك أو وجود أي حد من الناس. س: لو كان في البيت اللي بيتفتش مكاتيب أو أظرف مختومة ومقفولة من حقهم فتحها وتفتيشها؟ ج: لو كان في البيت اللي بيتفتش أوراق مختومة ومقفولة بأي طريقة مش من حقهم فتحها وتفتيشها. س: من حق اللي بيفتش إنه يقطع المراتب والمخدات عشان يفتش جواها؟ ج: لو كان اللي جاي بيدور علي حاجات مينفعش بالعقل إنها تكون في المـراتب والمخـدات زي إنـه يكـون جـاي يفتش علي مواشي مسـرو س: أعمـل إيـه لـو كان في بيتي فلوس أو دهب وخايف تضيع وقت التفتيش؟ ج: تبلغ الظابط اللي بيفتش إن عندك فلوس ودهب وحاجات غالية وخايف عليها وممكن تسلمها له في إيده قبل التفتيش علشان يسلمها لك تاني بعد التفتيش لو كانت ملهاش علاقة بالشيء اللي مطلوب التفتيش عنه. س: أعمل إيه لو اكتشفت بعد التفتيش إن فيه حاجات غالية اختفت من البيت؟ ج: تنزل تقابل مأمور القسم وتحكي له عن الموضوع وتصمم تعمل محضر في القسم بالحاجات اللي اختفت وتعمل شكوي لمفتش الداخلية فوراً. س: هل من حق اللي بيفتش يكسر العفش وهو بيفتش البيت؟ ج: مش من حق حد يكسر أي عفش في البيت، ولو كسروا أي حاجة في بيتك يبقوا ارتكبوا جريمة إتلاف، ومن حقك تعمل لهم محضر إتلاف وتطلب النجدة تعاين الحاجات اللي أتلفوها بدون سبب. س: هل من حق اللي بيفتش يخدني ع القسم لو فتش وملقاش أي حاجة ممنوعة؟ ج: مش من حقه يخدك القسم طالما ملقاش عندك أي ممنوعات أو أي حاجة تعتبر جريمة. س: إزاي بيتم التفتيش الذاتي وبيفتشوا إيه بالظبط؟ ج: بيقوموا بتفتيش جسم المتهم وهدومه والحاجات اللي شايلها معاه والشنـط اللي شايـلها والحاجـات اللي بيستعملها، زي عربيته الخاصة ومحله أو مكتبه الخاص. س: أعمل إيه لو كنت ماشي في الشارع ومخبر من المباحث أو مندوب شرطة أو عسكري قاللي إنت مشتبه فيك وعاوز أفتشك أو قاللي طلع اللي في جيوبك؟ ج: المخبر أو المندوب أو العسكري من حقه إنه يطلب بطاقتك «تحقيق شخصيتك» فقط لو كنت حطيت نفسك بمزاجك في موقف شك وريبة، لكن لو طلب يفتشك أو س: أعمل إيه لو كنت ماشي بالليل وكان فيه لجنة وفيها ظابط وقفني وطلب بطاقتي وحاول يفتشني بنفسه أو حد من القوة اللي معاه، أو قاللي طلّع اللي في جيوبك؟ ج: من حقهم يشوفوا بطاقتك فقط، وأُرفض إن حد يفتشك، وكلمهم بكل حسم ورجولة وثقة، وعرفهم إنك عارف حقوقك كويس، ومش من حق حد يفتشك بدون إذن من النيابة أو المحكمة أو من غير سبب طالما مفيش عليك حكم ولا طالعلك إذن تفتيش ولا ممسوك متلبس بجريمة. س: تعمل إيه الشرطة لو المتهم بلع حاجة ممنوعة «مخدرات مثلا»؟ ج: لازم تعرضه علي طبيب مختص وهو اللي يثبت إذا كان مخبي حاجة جوه جسمه ولا لأ، بعد ما يعملوا له غسيل معدة في مستشفي حكومي. س: تعمل إيه الشرطة لو كان المتهم مخبي ممنوعات في مكان حساس من جسمه؟ ج: لازم الشرطة تعرضه علي طبيب شرعى س: أعمل إيه لو كان طالع لي إذن تفتيش وطلبوا مني أقلع هدومي الداخلية؟ ج: ترفض لأن مش من حق الشرطة تقلعك هدومك لأن ده يعتبر هتك لعرضك، ولازم تثبته وتعمل بيه محضر، وحاول يكون معاك شهود علي اللي حصلك. لو اللي هايتفتش واحدة ست إيه اللي يبعدها عن هتك العرض والتحرش؟ مش شرط اللي تفتش الأنثي تكون ضابطة شرطة.. ممكن دكتورة أو ممرضة يمكن تفتيش الأنثي أمام الضابط لكن بدون خلع الهدوم لـو كـانت اللي هتتفتـش أنثي يبقي لازم اللي تفتشها أنثي زيها يندبها الظابط أو النيابة أو المحكمة اللي بتجري التفتيش، لكن لو كان التفتيش ه س: أعمل إيه لو حد من الشرطة حاول يفتش مراتي أو بنتي أو أختي أو أمي تفتيش ذاتي أو حاول يقلعها هدومها علشان يفتشها؟ ج: ترفض بشدة لأن ده شرفك ولازم تحافظ عليه، والظابط أو الأمين أو أي راجل من الشرطة لو مد إيد س: لازم اللي تفتش الأنثي تكون ظابطة شرطة؟ ج: مش شرط تكون ظابطة شرطة، وممكن تكون دكتورة أو ممرضة من مستشفي أو من السيدات اللي شغالين في القسم أو أي أنثي يندبها الظابط للتفتيش. س: ممكـن الظابـط ينـدب دكتور راجل من المستشفي علشان يفتش أنثي؟ ج: يكون إجراء باطلاً لأنه لازم اللي يفتش الأنثي تكون أنثي زيها مش راجل مهما كان الوضع. س: هل من حق الظابط يفتش شنطتها بنفسه؟ ج: من حق الظابط يفتش شنطتها ويفتحها لو كان معاه أمر بالتفتيش أو كانت متلبسة بجناية أو بجنحـة عقوبتها أكثـر من 3 شهور حبس، ولو لقي فيها أي ممنوعات أو أي حاجة حيازتها تعتبر جريمة يعملها قضية ويكون إجراؤه سليماً. س: ولو كانت الأنثي ماسكة حاجه في إيدها من حقه يأمرها إنها تفتح إيدها ويظبط اللي جواها؟ ج: من حق الظابط يأمرها بفتح إديها، ومن حقه يفتح إيدها بالقوة بنفسـه لـو رفضـت تفتـح إيـدها بمزاجها، ولو لقي فيها أي ممنوعات يعمل لها قضية لكن مش من حقه يفتشها تفتيش ذاتي أو يفتش جسمها أو يقلعها هدومها. س: هل ممكن يتم تفتيش الأنثي أمام الظابط؟ ج: ممكن يكون شايفها وهي بتتفتش ذاتي لكن بدون ما تقلع هدومها أو ينكشف مكان من أماكن عورتها. س: أعمل إيه لو طلبت الأنثي اللي بتفتش مراتي أو بنتي إنهم يخلعوا هدومهم وهي بتفتشهم قدام الظابط؟ ج: ترفض تماما، لأن دي تبقي جريمة هتك عرض لأن كشف جسم المرأة قدام الظابط س: أعمل إيه لو الظابط أو الأمين فتش مراتي غصب عني وعنها بالعافيه في أماكن حساسة من جسمها تمس الشرف والحياء؟ ج: لازم تعملّه محضر هتك عرض ويكون معاك شهود ويتحبس الظابط أو الأمين بتهمة هتك عرض أنثي علاوة علي إن أي حاجة هيلاقيها ملهاش أي قيمة لأن الإجراء اللي قام بيه بتفتيشه لأنثي باطل من أساسه وأي دليل ناتج من إجراء باطل يكون باطلاً. س: تعمل إيه الشرطة لو كانت الأنثي مخبية أي ممنوعات جوه جسمها في مكان حساس؟ ج: مش من حق أي حد من الشرطة يخرج ممنوعات من جوه جسمها أو يلمس جسمها من أساسه لكن من حقهم يرسلوها لطبيب في أي مستشفي حكومي ويقوم الدكتور بإخراج الممنوعات بنفسه بصفته خبيراً. القبض علي الناس بدون وجه حق تعرف حدود الشرطة إيه؟ الشرطة ليها حدود عشان تحبس حد أو تحجزه، ولو حد منها حبس مواطن بدون أمر من القاضي أو من النيابة العامة أو مكنش في حالة من حالات التلبس يبقي ارتكب جريمة وخالف القانون، ويتعاقب عليها بالحبس أو بالغرامة. س: إيه عقوبة اللي يقبض علي حد ويحجزه بدون وجه حق؟ ج: يتحبس أو يدفع غرامة لا تزيد علي 200 جنيه. س: هل معقول تكون عقوبة القبض علي الناس وتفتيشهم وحجزهم بدون وجه حق مجرد غرامة أقل من 200جنيه "يابلاش"؟ ج: هو ده القانون لكن لو تم أي تعذيب بدني للمتهم أو تم تهديده بالقتل علشان يعترف بأي شئ تبقي العقوبة السجن المشدد، لكن لو مات الشخص المقبوض عليه من التعذيب يبقي اللي موته يتعاقب بعقوبة القتل العمد س: لو اللي قبض عليّ طلع عامل ظابط أو لابس ملابس الشرطة؟ ج: تعمل له محضرعلي طول في القسم أو المركز اللي حصلك فيها الموضوع ده لأنه بيكون ارتكب جناية في حقك ويتسجن. س: ولو كان خد مني فلوس علشان يسيبني؟ ج: خد منك فلوس أو مخدش، القبض علي الناس بانتحال صفة الشرطة جناية عقوبتها السجن المشدد، وأكيد هيكون عيل من العيال الحرامية اللي س: يعني إيه استعمال قسوة؟ ج: استعمال القسوة استخدام عنف غير مبرر بدون داعي علشان يؤلم الناس في شرفهم أو جسمهم مهما قلت درجته. س: إيه عقوبة استعمال القسوة؟ ج: : كل موظف أو مستخدم عمومي أمر بتعذيب متهم أو فعل ذلك بنفسه لحمله علي الاعتراف يعاقب بالسجن المشدد أو السجـن من ثلاث سنوات إلي عشر .وإذا مات المجني عليه يحاكم بالعقوبة المقررة للقتل عمداً. س: حتي لو كان معذبش بنفسه؟ ج: كل موظف أو مستخدم عمومي أمر بتعذيب متهم أو فعل ذلك بنفسه لحمله علي الاعتراف يعاقب بالسجن المشدد أو السجـن من ثلاث سنوات إلي عشر .وإذا مات المجني عليه يحاكم بالعقوبة المقررة للقتل عمداً. الكمين لمين؟ س: يعني إيه كمين؟ ج: المفروض إن مفيش حاجة اسمها كمين للناس، لأن الكمين بيكون للأعداء وإحنا لسنا أعداء للشرطة، لكن اللي بنشوفه بالليل اسمه لجنة لحفظ الأمن والنظام في الشارع واللي سماه كمين هم الحرامية وميصحش أبدا إن حد يقول إن الشرطة عاملة كمين للناس. س: إيه فايدة اللجان اللي بتكون في الشوارع بالليل في كل حتة؟ ج: اللجان بتكون متكونة من ظابط القسم، وظابط مرور، وظابط مباحـث ومعـاهم بـوكس وأمنـاء شرطة وعساكر لحفظ الأمن والنظام في الشارع، لضبط المتهمين الهاربين من الأحكام وأي حاجة تمس الأمن العام وضبط المخالفات المرورية. س: علي أي أساس بيوقفوا الناس ويسيبوا ناس تانية بدون توقيفهم أو حتي سؤالهم؟ ج: ظابط المباحث اللي في اللجنة بيكون عارف كتير من المجرمين والمسجلين في دايرة قسمه، وبيكون باين س: هل من حق الظابط يقبض علي شخص لمجرد عدم وجود رخصة قيادة معاه؟ ج: عدم حمل رخصة القيادة لا تبيح للظابط القبض أو التفتيش لكن من حقه يسحب رخصة التسيير فقط بشرط تكون السيارة باسم قائدها ومعاه تحقيق شخصيته، ويقوم الظابط بإعطائه إيصال سحب لمدة أسبوع. س: ولو كان مع الشخص رخصة قيادة لكن بدون رخصة تسيير للسيارة؟ ج: من حقهم يسألوا عن رخص التسيير، ولو كانت السيارة بدون رخصة تسيي س: هل من حقهم يطلبوا البطايق الشخصية؟ ج: من حقهم يطلبوا بطايق الناس عشان يتأكدوا من شخصياتهم ولو شكوا في حد ممكن يوقفه علي جنب بدون ما يركبه البوكس أو يفتشه ويستعلموا عنه من القسم باللاسلكي اللي معاهم إذا كان مطلوب أو عليه أحكام ولا لأ. س: ومين اللي من حقه يطلب البطاقة أو الرخصة؟ ج: الظـابط أو أميـن الشرطـة والمخبر والعسكري من حقهم يطلبوا الرخصـة فقط لتوصيلهـا للظابـط، لكـن اللي من حقه يسحب التراخيص لازم يكون ظابط المرور بنفسه ويعطيك وصل بالسحب لكن مش من حق الظابط أو غيره إنه يسحب الرخص بدون وصل سحب تراخيص. س: هل من حق اللجان توقيف السيدات والبنات من قائدي السيارات ؟ ج: من حقهم توقيف أي سيدة أو فتاة في اللجنة وسؤالها عن التراخيص مثل الرجال، ولو كانت أي واحدة بدون رخصة من حقهم سحب الرخصة الثانية وإعطاءها وصل بسحب الرخصة. س: هل من حق اللجنة سؤالي عن سيدة أو بنت جالسة جنبي في سيارتي وسؤالها عن بطاقتها؟ ج: من حقه سؤالها فقط عن بطاقتها للتعرف علي شخصيتها وممكن يستعلم عنها بالجهاز من القسم لو شك إنها مطلوبة في حكم أو عليها أمر ضبط وإحضار لأن زي ما فيه مجرمين ومتهمين من الرجال فيه أيضا متهمين ومجرمين من النساء وبيكون عليهم أحكام واجبة التنفيذ عليهم. س: أعمل إيه لو الظابط سألني مين اللي معاك ؟ ج: قوله بكل بساطة زوجتي أو خطيبتي أو صديقتي ومن حقي الخروج مع صديقتي في أي وقت. س: هل من حقه ينزلها من سيارتي ويخدها علي جنب بعيد عني ويسألها عن أي حاجة أو يفتشها؟ ج: مش من حقه ينزلها مطلقا من السيارة طالما غير مطلوبة في شئ أو معروفة لديه من قبل أو مسجلة، وميقدرش أي ظابط مهما كانت رتبته يفتش أنثي تفتيش ذاتي حتي لو كانت متهمة في مليون ق س: ليه بنشوف بعض اللجان بتنزل البنات من التاكسيات ويخدوهم ع القسم وخصوصا في شارع الهرم وجامعة الدول؟ ج: فيه بنات كتير بيكونوا مسجلات آداب ودعارة وعليهم أحكام وبيكونوا معروفين للظباط س: أعمل إيه لو الظابط طلب مني أنزل من السيارة علشان يفتشها أو طلب مني أفتح الشنطة؟ ج: مفيش حاجة اسمها تنزل من سيارتك علشان يفتشها إلا لو كان معاه أمر من النيابة أو المحكمة بتفتيشك أو كنت في حالة تلبس بجريمة أو كانت ريحة السيارة تدل أن حد كان بيشرب فيها مخدرات مثلا, وترفض تفتح شنطة عربيتك وتقول للضابط "أفتح شنطتي ليه مادام رخصي سليمة وسيادتك شايف إني مش محل شك والعربية ملكي وفتح الشنطة ده اسمه تفتيش وده محتاج إذن من النيابة, وأنا مش ممسوك لا في حالة تلبس ولا أنا حرامي وأنا عارف إنك راجل قانون وعارف الإجراءات كويس وعارف إنك مش ممكن تخالف القانون. س: ليه الضباط ساعات بينزلوا الشباب اللي راكبين في العربيات ويطلبوا منهم يقولوا "حاحا"؟ ج: علشان يعرفوا لو كان اللي سايق شارب أي كحوليات أو لا، علشان بيكون ريحة فمه واضحة لما يقول "حاحا" ويبان إذا كان شارب كحوليات ولا لأ. س: ليه الظباط بيكونوا واقفين بعيد مع بعض وبيبعتوا الأمنا والعساكر تسحب التراخيص؟ ج: مـش من حـق الأميـن أو المخبـر أو العسكري يسحب رخصك, والأفضل تركن العربية وتنزل للظابط بكل ذوق وتوريه الرخص وتقوله أنا عارف إن سيادتك فقط اللي من حقه يشوف رخص العربيات مش الأمين أو العسكري. س: ولو أخدني علي القسم أو ركني جنبه في الكمين؟ ج: لازم تتصل بحد من أهلك أو محاميك وتصمم تعمل له محضر في القسم بالواقعة اللي حصلت معاك وإنك اتقبض عليك في اللجنة بدون وجه حق وتصمم علي اتخاذ إجراء مع الظابط ومتتنازلش عن حقك . س: من حق الظابط يركني جنبه في الكمين وقت قد إيه علشان يستعلم عني من القسم؟ ج: وقت بسيط ميزدش عن نصف ساعة فقط، لأن مصالح ووقت الناس ليهم تمن ومش لعبة. س: لو كنا راكبين ميكروباص وفي الكمين نزلوا الناس اللي فيه عشان يفتشوهم؟ ج: متـوفقش إن حـد يفتشـك وتـرفضوا أي تفتيش، لكن من حقهم يشوفوا البطاقات فقط ويتحروا عن اللي شاكين إن عليهم أحكام أو مطلوبين في قضايا. س: ليه بنشوف الأمناء والظباط بيكشفوا كتف بعض الناس في اللجان؟ ج: بيكشفوا كتف اللي بيشتبهوا فيه علشان يعرفوا إذا كان سوابق ومسجل ومختوم علي كتفه إنه مسجل خطر ولا لأ. س: يعني إيه مسجل خطر؟ ج: يعني شخص معتاد الإجرام واتمسك في قضايا سرقة أو بلطجة وفرض إتاوات أو بيشتغل في تجارة المخدرات أو الدعارة أو فرد في عصابة. س: وليه المسجل خطر بيكون الشرطة ختماه علي كتفه؟ ج: من فترة طويلة كانت الشرطة بتختم المسجلين خطر علي كتفهم علشان تعرفهم، والمسجلين نفسهم وأصحاب السوابق اللي متعودين علي الحبس والسجن بيدقوا وشم علي جسمهم وهمه موجودين في السجون. س: أعمل إيه لو حد من الشرطة جالي البيت وقاللي البيه المعاون عايزك في القسم؟ ج: مفش حاجه اسمها البيه المعاون ف القسم، لازم يديك ورقة مكتوب فيها طلب حضور أو طلب استدعاء للقسم. س: يعني إيه طلب حضور للقسم؟ ج: طلب الحضور للقسم هو طلب من ضابط في القسم عشان تروح القسم يسألوك في محضر حد شاكيك فيه، أو لسؤالك عن معلوماتك في جريمة حصلت. س: إيه شكل ورقة طلب الحضور للقسم؟ ج: هي ورقة طالعة من القسم مطبوعة علي نموذج وممكن تكون مكتوبة بخط اليد لمقابلة ضابط في القسم أو في المركز أو في النقطة بخصوص الرد علي محضر أو شكوي أو بلاغ. س: طلب الحضور للقسم بيكون مختوم ولا لأ؟ ج: طلب الحضور دايماً بيكون بدون ختم. س: لازم أروح للقسم مع الشخص اللي جاب لي طلب الحضور؟ ج: إنت حر تروح أو متروحش في طلب الحضور للقسم، لكن حاول تعرف إنت مطلوب في إيه قبل متروح للقسم في طلب الحضور. س: أعمل إيه لو اللي جابلي طلب الحضور طلب مني بطاقتي يخدها معاه عشان يضمن إني أروح القسم؟ ج: مفيش حد من حقه يسحب بطاقتك أو يخدها ضمانة عشان تروح القسم وارفض تديله بطاقتك. س: لو مروحتش في طلب الحضور، ممكن يخدوني ع القسم بالعافية؟ ج: ميقدرش حد يخدك في طلب الحضور للقسم بالعافية أو يقبض عليك بالقوة. س: إيه المسئولية لو مروحتش القسم في طلب الحضور؟ ج: مفيش مسئولية عليك لو مروحتش القسم في طلب الحضور، لكنهم هيبعتو المحضر للنيابة، ولو النيابة شايفة إنه لازم حضورك هتبعتلك طلب حضور للنيابة. س: أعمل إيه لو جالي طلب حضور م القسم واللي جايبه كان مصمم يخدني معاه؟ ج من حقك متروحش معاه في نفس الوقت، لإنك حر تروح أو متروحش، وممكن تستلم الطلب من الشخص اللي جايب لك طلب الحضور للقسم، والأفضل إنك تبعت الأول محامي يكون معاه توكيل منك يعرف إيه الحكاية قبل متروح القسم في طلب الحضور. س: وليه أبعت محامي؟ ج: علشان يعرف إنت مطلوب في إيه قبل م تروح القسم، لإنك لو رحت بنفسك القسم الصبح بدري في طلب الحضور وكان فيه حد شاكيك في محضر هيخدوا أقوالك في المحضر ويبعتوك علي النيابة، لكن لو رحت القسم بالليل ممكن يبيتوك ليلة في الحجز ويبعتوك ع النيابة تاني يوم. س: المفروض أعمل إيه في الحالة دي؟ ج: تبعت محامي معاه توكيل عنك يعرف إيه الموضوع ويرد بدل عنك في المحاضر. س: لازم يكون مع المحامي توكيل مني علشان يرد عني في المحاضر؟ ج: لازم يكون للمحامي توكيل قضايا عنك علشان يقدر يعرف إيه الموضوع ويقدر يرد علي المحضر، لأنهم في القسم مش هيعرفوه أي حاجة عن المحضر لو مفيش معاه توكيل. س: إيه هو توكيل المحامي وبيطلع منين؟ ج: توكيل المحامي بيكون توكيل في القضايا فقط، وبيطلع من أي شهر عقاري خلال ساعة. س: لو حد معاه توكيل عام عني يقدر يحضر للقسم ويرد علي المحاضر بدلاً مني؟ ج: مكنش حد غلب، لازم يكون محامي ومعاه توكيل عنك في القضايا فقط. س: من حقي يحضر معايا المحامي في القسم؟ ج: يجوز لمحاميك إنه يحضر طلب الحضور للنيابة سواء كنت متهم أو شاهد.. شكله إيه؟ في طلب الحضور للقسم أنت حر تروح أو ما تروحش بس مهم تعرف إنت مطلوب في إيه وبرضه أنت حر في طلب الحضور للنيابة لكن لو مارحتش تقدم عذر مقبول س: أعمل إيه لو جالي طلب حضور من النيابة؟ ج: المفروض تروح للنيابة لو مفيش عندك عذر مقبول تقبله النيابة العامة أو ممكن تبعت محامي معاه توكيل عنك عشان يعرف إيه الموضوع ويرد علي المحاضر بدالك. س: الشخص اللي بيجيب طلب الحضور للنيابة ممكن ياخدني ع النيابة بالعافية؟ ج: مش من حق حد يخدك بالعافية أو بالقوة في طلب حضور للنيابة. س: هو بيسلمني صورة من طلب الحضور للنيابة؟ ج: لازم يسلمك صورة من طلب الحضور للنيابة ويكون متحدد فيه ميعاد ومكان الحضور وهتقابل مين من أعضاء النيابة. س: إيه الفرق بين طلب الحضور للقسم وطلب الحضور للنيابة وأمر الضبط والإحضار والإعلان من المحكمة بالحضور لجلسة؟ ج: طلب الحضور للقسم إنت حر تروح أو متروحش بس المفروض تعرف إنت مطلوب في إيه قبل ما تروح لأن لو مروحتش هيبعتوا المحضر من القسم للنيابة، أما طلب الحضور للنيابة إنت حر تروح أولا س: أعمل إيه لو كنت ماشي بعربيتي والشرطة وقفتني وطلبت أفتح شنطة عربيتي؟ ج: مش من حق الشرطة تفتش شنطة عربيتك بدون إذن تفتيش وأرفض تفتح شنطة عربيتك لأي حد مفيش معاه إذن تفتيش ليك أو لسيارتك. س: من حق الشرطة تفتيش صالون سيارتي الخاصة؟ ج: مش من حق الشرطة تفتيش السيارات الخاصة بغير إذن من النيابة العامة أو من المحكمة أو في غير أحوال التلبس بجريمة أو بدون رضا أصحابها، أو حتي فتح أبواب السيارة. س: لو كنت راكب داخل عربيتي من حقهم يفتشوها؟ ج: مش من حقهم س: لـو كنـت راكـب قطر أو أتوبيس من حق حد يفتشني أو يفتش شنطتي؟ ج: من حق الشرطة يفتشوا القطر أو الأتوبيس بس مش من حق حد يفتشك أو يفتش شنطتك إلا بإذن من النيابة طالما كانت شنطتك معاك، لكن لو الشنطة جانبك وسألك دي شنطتك وقلت له إنها مش شنطتك يبقي من حق الظابط أو الأمين يفتشها علي أساس أنها ملهاش صاحب. س: ليـه الشرطـة بينزلوا الناس من الأتوبيسات ويفتشوهم ويفتشوا شنطهم وهم مسافرين الغردقة أو شرم الشيخ مثلا؟ ج: ده إجراء مش قانوني وفيه تجاوز شديد واعتداء علي حرية الناس وحرماتهم، ولازم ترفض التفتيش إلا بإذن من النيابة أو إذا كان فيه حالة تلبس أو كنت موافق علي التفتيش بمزاجك. س: لو عربيتي مقفولة وراكنها تحت البيت هل من حق حد يفتشها؟ ج: مش من حق حد يفتشها إلا بإذن من القاضي أو من النيابة. س: ولو عربيتي كانت في جراج جوه بيتي؟ ج: في الحالة دي لازم تفرق بين جراج تحت عمارة ممكن أي حد يدخله يبقي من حقهم يفتشوها، لكن لو كانت في جراج جوه بيتك يبقي لازم أمر تفتيش للبيت لأن الجراج الملحق للبيت يعتبر له نفس حرمة وشروط تفتيش البيوت. س: معقول حد في القسم هيوافق يعمل محضر هتك عرض ضد ظابط مباحث شغال فيه؟ ج: لازم تتمسك بحقك، ولو رفضوا يعملولك محضر تطلع علي المديريـة وتقابـل مفتش الـداخلية وتروح تعمل له محضر في النيابة الحرية الشخصية للناس حق طبيعي مصان لا يُمس، ولا يتم القبض ولا تفتيش ولا حبس ولا تقييد حرية الناس ومنعهم من التنقل من مكان لمكان إلا بأمر من القاضي المختص أو من النيابة العامة ماعدا في حالات التلبس